Esti añu decidióse baxar de
bárbaros, a raíz del ésitu de la película de Conan. Construyóse una base
asemeyá a la de la carreña… Esti sistema non solo se repitió tolos años sinon
que sería’l que fueron adoptando col tiempu casi toles embarcaciones hasta´l
momentu actual. Sobre esa base, que se tilló con piquetes d’ocalitu mui pesaos,
fíxose una más que rudimentaria catapulta. Como palanca llevaba un maderu de
roble, cortáu en Naveo que tenía una palancana nel estremu. Como muelle,
llevaba un neumáticu de coche, lo que-y proporcionaba un disparu mui potente.
La primera idea yera dir per La Pola disparando regodones o boliches de yerba
ardiendo pero, una vez más, los paisanos impunxeron el so vetu. Pensóse entós
en disparar caramelos pero, como’l presupuestu yera escasu aceptóse la oferta
de Vinos Rodríguez y utilizáronse corchos como munición. Como Rubén, encargáu
de facer la sangría, taba na “mili”, tocó-y preparar el beberciu a ún que nun
sabía la fórmula… Esti rapaz diba ser, ensin querelo, el responsable de lo que
más tarde ocurriría. El casu ye qu’enllenó un balde con unos venti litros de
vinu y echó-y un par de quilos d’azúcar; echó darréu nueve botelles de
diferentes licores: güisqui, ginebra, ron, coñá, anís, vodka, vermú blanco,
vermú de color y Tío Pepe. De lo que nun s’acordó foi d’echar agua nin
refrescos. La mecigaya yera casi esplosiva, pura trilita.
Mel cometió l’error
de colocar un par de bancos a los llaos de la plataforma, de manera que la
xente diba sentao y, en mediu, taba’l balde cola “sangría”. Cuando la carroza
baxaba per San Pedro, la metá la xente ya nun rabilaba… Una moza, al tratar de
garrar un tancáu, cayó de cabeza al balde. Teniendo en cuenta lo de los corchos
y que toos diben ataviaos con pelleyes d’oveya, la bebida cada vez tenía más
pelos y más corchos flotando. Llegó un momentu en que ya costaba trabayu echar
un tragu ensin tener que sacarpelos de la boca. Tando en La Pola, onde poco
dempués se fadría l’edificiu de Trenes, llegó’l fotógrafu pa sacar una semeya a
tol grupu, pero nun s’acampó, nun hubo manera d’axuntalos a toos porque taben
tiraos pela acera como si hubiere esplotao una bomba.Nesto que s’averó Puri y miró pal balde… Garrólu entós mesmo y arramólu pembaxo. Desgraciadamente, pa munchos ya yera demasiao tarde. Hubo dalgún que nun llegó a desfilar porque
marcharon con él pa casa y, del restu, la mayoría taben como teyes. Ún foi
echáu na carroza tol camín y, cuando en mediu La Pola so padre se punxo a
reñelu, contestó-y mal porque nun lu conoció.
Llegóse al Puente d’Arcu a dures
penes, ya que’l deterioru psicomotriz de la xente diba n’aumentu. De toles
maneres, esi día d’agostu de 1983 fixo mal tiempu y el ríu baxaba enforma agua,
asina que la carroza baxó, gracies también a l’ayuda de dellos espontáneos que
se metieron al agua.
Mel cometió l’error
de colocar un par de bancos a los llaos de la plataforma, de manera que la
xente diba sentao y, en mediu, taba’l balde cola “sangría”. Cuando la carroza
baxaba per San Pedro, la metá la xente ya nun rabilaba… Una moza, al tratar de
garrar un tancáu, cayó de cabeza al balde. Teniendo en cuenta lo de los corchos
y que toos diben ataviaos con pelleyes d’oveya, la bebida cada vez tenía más
pelos y más corchos flotando. Llegó un momentu en que ya costaba trabayu echar
un tragu ensin tener que sacarpelos de la boca. Tando en La Pola, onde poco
dempués se fadría l’edificiu de Trenes, llegó’l fotógrafu pa sacar una semeya a
tol grupu, pero nun s’acampó, nun hubo manera d’axuntalos a toos porque taben
tiraos pela acera como si hubiere esplotao una bomba.Nesto que s’averó Puri y miró pal balde… Garrólu entós mesmo y arramólu pembaxo. Desgraciadamente, pa munchos ya yera demasiao tarde. Hubo dalgún que nun llegó a desfilar porque
marcharon con él pa casa y, del restu, la mayoría taben como teyes. Ún foi
echáu na carroza tol camín y, cuando en mediu La Pola so padre se punxo a
reñelu, contestó-y mal porque nun lu conoció.
RAMÓN
No hay comentarios:
Publicar un comentario