La historia de Tolivia nel Descensu
entama allá pel añu 1982. Esi añu ye cuando Ramón, Olegario, Pedro, Rubén, Juan
Carlos, El Tocata y dalgunos más, deciden construir la primera carroza de
Tolivia que diba ser una “carreña” de cuchu. Taba fecha tomando como modelu una
carreña que taba baxo l’horru La Pipa y les midíes taben multiplicaes por
cuatro.
Foi la única embarcación que tuvo presupuestu cero, ya que taba fecha únicamente con madera y vares d’ablanar. Nun llevaba una sola punta sinon tornos d’ablanu. Pa enganchala al rebatón llevaba unos zubiellos fechos por Juaco Buelga, el padre de Rubén. Tampoco se gastó un chapu en pintura nin n’adornos, ya que tenía tol cebatu revocáu con cuchu. Por fin, p’adornala decidióse enllenala de felechu (ún de los recursos más abundantes na parroquia). Nun principiu, la idea yera llevala enllena de cuchu, pero la opinión contraria de los paisanos acabó imponiéndose. Toos dicíen que yera una burrada y que nun diben ser quien a movela, y muncho menos a baxala pel ríu. Pancima, nun golía mui bien y Manuel Cascayu, el güelu d’Olegario, aseguraba que diben metelos presos o da-yos una cuelma.
Foi la única embarcación que tuvo presupuestu cero, ya que taba fecha únicamente con madera y vares d’ablanar. Nun llevaba una sola punta sinon tornos d’ablanu. Pa enganchala al rebatón llevaba unos zubiellos fechos por Juaco Buelga, el padre de Rubén. Tampoco se gastó un chapu en pintura nin n’adornos, ya que tenía tol cebatu revocáu con cuchu. Por fin, p’adornala decidióse enllenala de felechu (ún de los recursos más abundantes na parroquia). Nun principiu, la idea yera llevala enllena de cuchu, pero la opinión contraria de los paisanos acabó imponiéndose. Toos dicíen que yera una burrada y que nun diben ser quien a movela, y muncho menos a baxala pel ríu. Pancima, nun golía mui bien y Manuel Cascayu, el güelu d’Olegario, aseguraba que diben metelos presos o da-yos una cuelma.
El casu ye que la carreña llevóse
hasta La Pola rodando, puesta enriba d’un triciclu formáu pol carru de Nardo
atrás y una rueda de carretillu alantre. Durante’l desfile hasta Puente d’Arcu,
Ramón diba delantre abriendo pasu con un gadañu y una fardelona de castañes
enllena felechu (porque esto yera n’agostu). Había dos rapazos que diben xuncíos
con xugu, mullíes y cornales; diben tirando del rebatón y truñando a les toles
moces que pillaben amañoses (ún d’ellos yera’l malográu Tista). Pel ríu baxó a
la perfección, y eso que nun llevaba nengún tipu de flotador. L’únicu
desperfectu que sufrió foi la rotura d’un zubiellu al sacala pal prau de La
Chalana.