TOLIVIA EN EL DESCENSU: 2013

Esti añu, dempues de munchu deliberar, camudose el sitiu de construcción de la embarcación, pasando de la plaza'l Cascayu, al baxu Velino.
Un sitiu per-amañosu nel que esperamos que Velino, Carmen y Marcos nos toleren por munchos años.

Lo primero que se fixo foi amestar un metro mas a la base,

aun pidiendo conseyu a Gonzalo quedomos una chamboná guapa que tubo que reforzase sobre la marcha, siendo esto motivu de preocupación, pero sobre to de rises, a lo llargo de tola fabricación. Fecho esto nun se tardó n'entamar a construir, col material que sobrare del otru añu, punxeronse los primeros cachos de maera que serien futuramente la plataforma onde diria engoláu'l dios Jerjes.

La verda ye que'l entamu la estructura zimblaba tantu que, casi hasta 3 selmanes dempues el susodichu Jerjes, taria renegando de subir al so tronu.

Dempues de dis y dis de construcción, y de munchos portes a la carpinteria de Gonzalo la "carrucha" foi garrando estabilidá y forma.

Fecha la estructura de maera llegó'l momentu de los elementos de decoración y la pintura. Diva unos dis, encargaronse unos lleones d'escayola, una de les tres grandes atomies d'esti añu, un dellos quedo fechu porra al desembalalu, y mirando l'otru dimonos cuenta que comparau col armatoste que se fexo, paecia un gatu mas que un lleón polo que Elena la del tocata ofreciose a facer unos leones de papel que al final quedaron de cine.

A falta d'ocho dis pal descensu, decidese nun calentón subir la carroza pal Cascayu, la cual llera la primera idea ,pero al dia siguiente entama a llover y decidese volver a baxala a lo de Velino.

Nel mediu tiempu que ta la carroza'n cascayu empapelense les xuntes de parte de la carroza pa disimulales, cosa que quedo d'aquella manera y al final decidiose forralo con tela, previu pasu de haber pintao'l papel lo que mos fizo mengua'l presupuestu a lo tosco. Una vez la carroza'n Prau baxo de nuevo entamase a pintar, nun principiu, pintose de granate, pero ente'l granate y el dorao....¡¡aquello paecia Chueca!!, polo que acabo por tapase el granate con negro y quedo planchao.

Una vez pintá punxeronse tolos elementos a parte, el viernes tarde-noche como non, lleones, cabres y la galletona de detras de Jerjes y la carroza taba terminá...

Al dii siguiente, sabadu del descensu (perdona-y si escaecenseme detalles) entama l'apurón, como la cantidá de vino que se baxó yera una barbaridá decidiose nun pone'l bidon na carroza, si non ponelu nun carru ganchau a ella, total que mos plantamos el sabadu pela mañana soldando un enganche pal carru que resultó desastrosu. Amas, les ruedes topabense nun estau bastante malu, al hinchar una arrebentó polo que se tubo que buscar otra urxentemente, que resulto tar pinchá tamien.

Pues con esti panorama báxase la embarcación a la Pola, ardua llabor, ya qu'el tronu yera tan desaxeráu que habia que dir apartando cables y cañes pela carretera, a parte de la rueda pinchá.

Llegase a la Pola no sin esfuerzu ya a les 2 y media, como costare tanto tiempu baxar la embarcación y la sede ye negro, l'estau d'algun "espartanu" yera ya deplorable. Al engancha'l carru de la bebida (carromocho) a la "carrucha" surxó'l problema de qu'el grifu casi arrastraba pembaxo, lo qu'entorpecia un tantu la llabor de repostar a los ya torpes "espartanos".

Arranca'l desfile,tras un emotivu discursu dedicau a Jose Bernardo ausente esti añu el cual casi nun se oyó, antes de llegar al CIDAN ya habia mas xente detras de la embarcación que delantre, tos alreor del "carromocho". A l'altura el xuráu intentose facer una recreación d'una batalla escontra los persas pero nun hubo manera y desistiose de facer folixa.

Llegose a Puente d'arcu sin incidentes y nada tarde, como de costumbre desenganchose la carroza de los ejes y metiose'n riu sin problema.

Hay que dicir qu'esti añu Tolivia descubrió la flotabilidá, la embarcación llevaba milenta botelles y garrafes pegaes dientru con espuma, polo que baxó navegando como si fuere un veleru, tanto foi así, que s'adelantó a varies embarcaciones parando incluso a char una mano a Barredos.
Al final ya del riu, sacose la embarcación pel pedreru (como de costumbre) provocando que la xente que taba mirando tubiere que salir escopetao y que los lleones salieren disparaos del tronu. Sálese por fin al prau la Chalana cola carroza arrastru y los lleones baxo'l brazu, y sacase una de les semeyes mas guapes que se vieron del descensu Tolivia, tolos que baxaron pel riu tirando de la embarcación ( la mayoria fios de los que baxaben con tolivia hay 30 años) subios nella cellebrando l'exitu.