La idea yera facer daqué más grande: una
cuerria con castañal y too. Buscáronse un par de postes d’unos siete metros de
llargo y con ellos fíxose una plataforma. Nella plantóse una castañal medio
güeca que se cortó en El Pontón y s’acarrió nel tractor de Mel. Anclóse a la
base con unes escuadres de fierro que traxo Solís.
Pensóse, de mano, en facer la cuerria con
piedres de verdá; pero, una vez más, los paisanos retazaron la ocurrencia.
Entós daquién aportó la idea d’utilizar cachos de madera de pinu de la mata
Naveo, que pesaba poco. Una vez fecha la cuerria, emporcóse con barro pa que
paeciere de piedra de verdá y les resquiebres atapáronse con mufu. Enllenóse de
fueya, castañes vieyes y aricios. El día’l Descensu, pela mañana colocáronse-y
a la castañal cañes recién cortaes.
Colgáu d’una caña había un farol
d’amagostar castañes y debaxo d’él taba’l fueu tizáu. Tamién había un gochucu y
una duerna pa que comiere.
Como n’años anteriores, la carroza desfiló
pela carretera ensin problemas y baxó a La Chalana entera… ¡Hasta’l gochín
sobrevivió! Y asina llegó la primera sopera pa los de Tolivia, cosa qu’animó a la xente a siguir superándose.
RAMÓN
Colgáu d’una caña había un farol d’amagostar castañes y debaxo d’él taba’l fueu tizáu. Tamién había un gochucu y una duerna pa que comiere.