El molín de la Friera

Había qu’intentar ganar la tercera sopera y el Chalanín y, polo tanto, facer una embarcación mayor que la del añu anterior. A la plataforma de la galera añadióse-y un suplementu pa que superare los doce metros. Alantre diba un molín de tamañu real que funcionaba con agua. Pa ello, la carroza tenía dos pisos. Hubo que dir a midir el puente p’asegurase de poder pasalu ya que la carroza yera más ancha. La plataforma superior volaba pa los dos llaos y pasaba penriba los muros del puente. Nesta había un prau con una presa per onde baxaba l’agua que cayía pa facer xirar el roendu. Con una bomba, subíase l’agua otra vez a lo cimero la presa y asina funcionaba’l circuitu tol tiempu. Compróse un sacu fariña y repartióse peles cases pa que fixeren boroñes col fin de dir dándoles a la xente. Non solo yera real el molín sinon tamién el molineru, Luis.

Lamentablemente, faltó tiempu pa terminar la embarcación y hubo que recurrir al recursu de cubrir tola parte trasera de matu, en llugar de decoralo d’otra manera más guapa. Paecía imposible qu’un artefactu tan grande y pesáu se pudiere baxar pel ríu, pero consiguióse una vez más. Hubo cierta decepción al nun ganar la sopera pero pal añu siguiente volvería a intentase.

 RAMÓN