Esti añu pue decise que Tolivia casi queda sin descensu, nun se tenía pensao facer na, a falta de pocos dis pa la celebración del eventu. Pero llegó el americanu del grupu (Jose Bernardo), que de aquella tobia yera catalán sino recuerdo mal. Y xunto a Ady la de Rafa rescurieron que Tolivia nun podia quedar sin descensu. Ocurrioseyos garrar un carru melchor y engalanalu, solución rápida y sencilla.
El día del descensu pe la mañana sólo quedaba enganchar el carru a un pony de Melchor, de aquella permitiase tobía baxar animales de 4 pates, agora ya solo se dexa baxar a los de 2 pates. Preparose la pocima secreta, que también corria a cargu del americanu del grupu. Después tos a amazcarase de zingaros, pa baxar pe la pola.
El desfile nun tubo muncha novedá, unos gitanos bailando alreor del carru y bebiendo de la pocima. El únicu que nun debio disfrutar munchu fue el probe pony, debío a que nun dexemoi probar la pocima!!!
Una vez en Puente de Arcu desenganchose el pony del carru y metiose al río (el carru por si algun dudaba), antes por su puestu hubo la típica charla de que esto tien ruedes ,que nun tien plataforma y nun baxa por riu. Pero claro en Tolivia abunda la neciura y por muncho que nos digan el carru diba baxar por riu.
En riu como nos habín dichu los regodones dificultaben bastante el pasu de les ruedes por enriba de estos. Y aunque esti añu fuesemos sobre 10 paisanos, el carru de Melchor caló a la Chalana enteru sin negún desperfectu. Tolivia salvo un descensu con el que en principiu nun se cuntaba.
